Waxaan subaxnimadii axadda ka ambabaxnay magaalada Garoowe annaga oo kusii jeedna magaalada Dahahar. Waxaa socdaalka igu weheliyey guddoomiye ku xigeenka Mu'assasada Alminhaaj Sh. Ciise Siciid Beerseexshe, madaxa xafiiska gobolada ee mu'assasada Alminhaaj Sh. Cismaan Maxamuud Xaaji Dirir iyo C/raxmaan Sh. C/qaadir Nuur Faarax oo ka tirsan xafiiska warbaa hinta Mu'assasada Alminhaaj. Aniga iyo C/raxmaan booqashadaani waxay noo lahayd xiiso gaar ah; waayo waxay ahayd markii ugu horaysay oo aan tagno magaalada Dhahar. Waxaa si aad ah noo soo dhaweeyey culumada iyo ducaadda magaalada. Waxaan ahayn niman shaqo u socda laakiin magaaladu waxay naga dhigtay niman koolkoolin u socda. Koolkoolinta inteeda kale waa garaysan lahayn laakiin waxaa dheeraad nagu ahayd labo arrimood: in magaalo kale laga soo diro dad koolkoolintayada ka qaybqaata iyo in markii aan ambabaxaynay naloo raray joogag iyo alaabooyin kale oo aanan wali ogaan waxa ku jira. Waxaan is iri tolow gabdhahaa la dhiba