Salaan iyo nabdaadin ka dib gurigii uu u socday ayaa qol laga dajiyey. Isbarashadii qoyska iyo iswaraysigii ka dib waxaa u soo laabtay dumaradii darsika ahaa, waxaana la isbaray ninkii martida ahaa Waliba waxaa loo sheegay qof kasta iyo meesha ay qaraabo ama xidid ka yihiin. Alla aabbihiis baan aqaaney, aniga aabbahay baa magaaladaas askari ka ahaan jirey, anigu anoo inan ah ayaan macallimad ka soo ahaa magaaladaas, aniga waa reer abtigay, waryaaya kaalaya abtigiin salaama, Alla waan maqli jirey in magaaladaas dad fiican dagaan. Wax yar ka diba salaaddii duhur baa la addimay, masaajidka oo aan ka fogayn ayaana raggii iyo dhaliyaradiiba u dareereen. Kolkii salaadda laga baxay ayaa Sheekhu dadkii wacdiyey, wuxuuna ka hadlay xaaraanimada dulmiga, dilka, boobka iyo qabyaalada, wuxuuna caddeeyey in muslimiintu walaalo wada yihiin, lagana doonayo inay is wada jeclaadaan. Arrintaas waxay ku noqotay yaab; waayo reer hebel in aysan culimo lahayn oo ay wada jirri yihiin ayuu maqli jire
Waa qoraa Soomaaliyeed oo xoogga saara wacyigalinta iyo walaalaynta bulshada Soomaaliyeed. Wuxuu ummaddiisa la jecelyahay khayr oo dhan. Wuxuu ka xanuunsanayaa wax kasta oo dadkiisa soo gaara oo adduun ama aakhiro wax yeelaya. Wuxuu diyaar u yahay inuu diintiisa iyo dadkiisa u huro wax kasta oo uu u heli karo.