Nin Jamaica u dhashay iyo xaaskiisa oo Soomaali ah oo is qabtay baan u garnaqnay aniga iyo culimo Suuriyiin ah. Gabadha guriga ayuu dusha uga xiray, khubus qallalan mooyee cunto kalena ma uu siiyo, waliba uur bay leedahay. Maalin dambe ayay ka soo fakatay oo waxay timid xaafadayada. Ninkii wuxuu yiri meeshaan waxaan u nimid in aan wax ka barto, sahay yar baana wataa, cid kaloo wax isiinaysana ma jirto. Haddaba khubustaas ayaan ku joogaynaa ilaa dantaydu iiga dhamaanayso. Sababta uu guriga ugu xirayna waa inuu ka celiyo xaafadaha soomaalida ee ay aadayso ama looga imaanayo. Ninkii wuxuu na weydiiyey soo nabigu scw ma oran naagtu gurigeeda kama bixi karto itadoon ninkeeda idan ka haysan?. Tan kale soo Ilaahay ma oran: ninka hodonka ah intii awoodiisa ah (xaaskiisa) ha nafaqeeyo, ninka ciriiriga dhaqaale qabana intii Alle siiyey ha ku nafaqeeyo?. Ninkaan diinta wuxuu ka xafidsan yahay inta isaga xuquuqdiisa ka hadlaysa laakiin inta sheegaysa xuquuqda isaga lugu leeyahay waa moogy