Intaas midna ma haleelin. Dadka go'doonada noocaan ah haleelaan si loogu gurmado ayaa la gartaa, waana la samatabixiyaa intay doonto ha qaadatee laakiin waxaa jira dad badan oo go'doonsan oo si loo samataxiyo ama loogu gurmadana ay adagtahay. Abooyoow waa kuwee?.
Jawaabta oo kooban waa kuwa xagga miskaxda ka go'doonsan oo laftoodu aan isku heer ka joogin go'doon miskexeedka. Waxaa ugu liita kuwa iyagu ka qaybqaadanaya siday go'doonka ugu sii jiri lahaayeen oo kolkii la doono in laga xoreeyo dadka miskaxda ka gumaystay laba soo safanaya ama ka soo hormaraya!!.
Si kale haddii loo yiraahdo waa dad doorbidaya in aysan miskaxdooda adeegsan ee ay ku socdaan miskaxda kay u qafaalanyihiin. Waxay u arkaan khalad wax kasta oo aan ka imaan ama soo marin kuwa ay raacsanyihiin. Waxa aad u sheegtid wuxuu ku qiimaynayaa siday u waafaqsanyihiin ama u dhinac marsanyihiin waxa sayidkiisu qabo.
Dadkaas qafaalan waxyaabo kala duwan baa loo adeegsaday gumaysi miskexeedka lagu hayo, waxaana ka mid ah diinta iyo magaca Eebbe oo ay jaahil ka yihiin, marinhabaabinta lagu samaynayana waxaa looga dhigayaa wax xagga Alle ka yimid oo u hoggaansankooda Ilaahay loogu dhawaanayo, ciddii khilaaftana ay Alle kaga fogaanayso.
Waa sii socdaa ....
Comments
Post a Comment