Waxaan ka mid ahaa ragga dalka aad ugu dhex socda laakiin aan laamiga dhinacna uga leexan, isla markaasna magaalooyinka waaweyn kaliya ku daga oo aan tuulooyinka inta badan kuba hakan, rag badana way ila wadaagaan dhaqankaas. Gaalkacyo, Buurtinle, Garoowe, Laascaanood, Burco, Berbera, Hargeysa, Gabiley iyo Boorame. Dhinaca kalena Garoowe, Qardho iyo Boosaaso. Xagga koonfurtana tan iyo 2006dii Muqdisho iyo Afgooye dhinac uma dhaafin.
Sanadkaan Ilaahay wuxuu i waafajiyey inaan laamiyada ka leexdo, isla markaasna aan magaalooyin iyo tuulooyin badan ku dago. Mar waxaan socdaal ku maray 11 magaalo iyo tuulo oo ku kala yaal Mudug iyo Nugaal, kuwaas oo badankoodu laamiga ku yaaley. Kala bayr, Jalam, Buurtinle, Xarfo, Bacaadweyn, Gaalkacyo, Beyra, Bursaalax, Riig-oomane, Qansaxle iyo Galdogob.
Mar kalena waxaan booqday magaalada Buuhoodle oo markii ugu horeysye ii ahayd. Waxaan kale oo booqday, kuna hoyday magalada Carmo ee gobolka Bari.
Mar aan fogayna Rabbi wuxuu ii sahlay inaan socdaal ku maro magaalooyin badan oo ku yaal gobolka Sanaag: Dhahar, Balli-busle, Ceelbuh, Xingalool, Damalla-xagarre, Carmale, Hadaaftimo, Baran, Ceerigaabo iyo Buraan.
2011kii waxaan socdaal dheer oo dhulka ah ku maray Galdogob, Gaalkacyo ilaa Hargeysa, ka dibna ilaa Jibbuuti. Magaalooyinka aanan horay u arag ee muhiimka ah ee aan sii socod iyo soo socodba safarkaas ku maray waxaa ka mid ahaa Zaylac iyo Lowyacaddo. Waxaan iyana la hilmaami karin tuulada Caado oo aan sidaa Hargeysa uga sii fogayn oo aan habeen seexanay.
Mar hore oo aan laamiga ka leexanay (2004) waxaan booqanay magaalada Oodweyne, habeena waa ku hoyanay.
Mar walba waxaan si gaara usoo xusuustaa magaalooyinkii igu cusbaa ee aan sanadkaan booqday iyo dadkii qiimaha badnaa ee aan ka bartay, sida Buuhoodle iyo magaalooyinkii gobolka Sanaag.
Gabagabadii axaabtayda iyo akhristayaashaba waxaan u xusuusinayaa in aysan ku filnayn inta ay ka barteen dadka iyo dalka ee ay ka maqanyihiin dal waasic ah iyo dad walaalo ah oo qofkii bartaa uusan quuri karin. Si gaara waxaan ugu soo jeedinayaa ragga socdaalka badan inay laamiyada ka leexdaan, magaalooyinka yar yar iyo tuulooyinkana ay ku hakadaan; si ay u helaan wax badan oo ka maqan.
Sanadkaan Ilaahay wuxuu i waafajiyey inaan laamiyada ka leexdo, isla markaasna aan magaalooyin iyo tuulooyin badan ku dago. Mar waxaan socdaal ku maray 11 magaalo iyo tuulo oo ku kala yaal Mudug iyo Nugaal, kuwaas oo badankoodu laamiga ku yaaley. Kala bayr, Jalam, Buurtinle, Xarfo, Bacaadweyn, Gaalkacyo, Beyra, Bursaalax, Riig-oomane, Qansaxle iyo Galdogob.
Mar kalena waxaan booqday magaalada Buuhoodle oo markii ugu horeysye ii ahayd. Waxaan kale oo booqday, kuna hoyday magalada Carmo ee gobolka Bari.
Mar aan fogayna Rabbi wuxuu ii sahlay inaan socdaal ku maro magaalooyin badan oo ku yaal gobolka Sanaag: Dhahar, Balli-busle, Ceelbuh, Xingalool, Damalla-xagarre, Carmale, Hadaaftimo, Baran, Ceerigaabo iyo Buraan.
2011kii waxaan socdaal dheer oo dhulka ah ku maray Galdogob, Gaalkacyo ilaa Hargeysa, ka dibna ilaa Jibbuuti. Magaalooyinka aanan horay u arag ee muhiimka ah ee aan sii socod iyo soo socodba safarkaas ku maray waxaa ka mid ahaa Zaylac iyo Lowyacaddo. Waxaan iyana la hilmaami karin tuulada Caado oo aan sidaa Hargeysa uga sii fogayn oo aan habeen seexanay.
Mar hore oo aan laamiga ka leexanay (2004) waxaan booqanay magaalada Oodweyne, habeena waa ku hoyanay.
Mar walba waxaan si gaara usoo xusuustaa magaalooyinkii igu cusbaa ee aan sanadkaan booqday iyo dadkii qiimaha badnaa ee aan ka bartay, sida Buuhoodle iyo magaalooyinkii gobolka Sanaag.
Gabagabadii axaabtayda iyo akhristayaashaba waxaan u xusuusinayaa in aysan ku filnayn inta ay ka barteen dadka iyo dalka ee ay ka maqanyihiin dal waasic ah iyo dad walaalo ah oo qofkii bartaa uusan quuri karin. Si gaara waxaan ugu soo jeedinayaa ragga socdaalka badan inay laamiyada ka leexdaan, magaalooyinka yar yar iyo tuulooyinkana ay ku hakadaan; si ay u helaan wax badan oo ka maqan.
Comments
Post a Comment