Reer bay soo martiyeen iyaga oo labo nin ah. Wuxuu yiri: waryaa reerka ama neefka hilbihiisa ina ka wada sii ama labada neef caanohooda ina ka wada sii!.
Dhaqanku wuxuu ahaa in lagga iyo barida mid loo geeyo martida. Kolkii hilbihii loo keenay ayuu qori dab ah qaatay oo gogoshoodii iyo reerka dhexdoodii hadba dhinac ula socday.
Maxaa raadinaysaa?. Cad idinkana idinka yimid annagana aan na soo gaarin ayaan baadigoobayaa.
Ninkii inta halhaleel u noqday ayuu cadkii la soo orday oo u keenay.
Labadii halaad ee reerka u irmaanayd ayaa mid loo soo lisay. Kolkii gaawihii loo dhiibay buu saaxiibki ku yiri: Hoo, suu yiri mayee adigu dhan, suu yiri: aniga waa la ii soo lisayaaye hoo adigu dhan!. Kolkii uu toobkihii ka fuuqsaday ayuu miskiinkii la noqday oo hashii labaadna kii kale u soo lisay.
Halkaas ayay labadii tuug reerkii habeenkii cad iyo caanaba uga qadiyeen iyaga oo ka faa'iidaysanaya gobanimada, xishoodka iyo deeqsinimada qoyskaas Soomaaliyeed.
Asxaabtu bal ha faalleeyeen sheekadaan iyo xeelada la isticmaalay, dhaqanka nimankan, dhaqanka qoyska la martiyey iyo bal sidii aad yeeli lahayd haddii kuwaas oo kale lugugu imtixaano.
Comments
Post a Comment