Xamar waxaa
ku badnaan jirey tuugada dadka jeeb siibta iyo kuwo toorray kula gabbada meelaha
jiirooyinka iyo booc-booca ah oo dadka ku baarta.
Habeenimo
ayuu isaga oo tuugo ka baqaya meel booc-booc ah oo labo xaafadood u dhaxaysa
isaga tillabayey. Markiiba waxaa ku soo baxay nin isna meesha maraya oo show
isaguna tuugo ka baqaya.
Markii ay
indhaha isku dhufteen midba kii kale ayuu u qaatay
tuuggii toorrayda ku dhufan
lahaa ama ugu yaraan dhici lahaa. Isaga oo u hinqaday inuu cararo ayaa kii kale
orod isdhigay. Kolkaas ayuu isaga oo yaaban aayartiisa socday, inj kastoo uu
wali tuuggii saxda ahaa u tooghayey.
Beryihii dambe
ee hubka la helayna waxaa soo kordhay in labo nin oo hubaysan oo mid walba baqayo
ay isdilaan iyadoo mid kasta isleeyahay inta aanu xabbadda kugu dhufan adigu kala
hormar.
Haddana sida
muuqata labada maamul ee P/land iyo S/land, iyo dadweynaha soomaaliyeed ee ku
kala nool labadaas deegaan waligood kama aanay wadahadal waar horta maxaynu
isku haynaa?, in hadal caraatan iyo eedayn ah hawada la isu mariyo mooyee.
Qolo walba
iyada oo aan qolada kale ka afqaadin ayay gaar u garnaqsataa, ka dibna garta
100% isa siisaa, qolada kalena ku xukuntaa inay 100% gardaran tahay. Kolkaas ayaa
qolo walba ku hawlgashaa wixii uga soo baxay garnaqsigaas gooni goonida ah.
Haddaba su’aasha
meesha ku jirta waxaa weeye soo gar maaha horta in labada dhinac iswaraystaan?.
Soo ma dhici karto in qolo kasta garwaaqsato oo ay isu garaabaan?, mushkiladuna
ay intaas ku dhammaato?.
Mise waxaa idin
la quman in labo miskiin oo baqaya midba kan kale tuug u maleeyo oo ay labo
xabbadood isdhaafsadaan, ayna labaduba halkaas ku naf waayaan?.
Comments
Post a Comment