Maanta ayuu magaalada aaday, wuxuuna ka soo helay qori kuwa darandooriga u dhaca ah (otomatic) oo ku cusub. Isaga oo faraxsan buu galab gaabkii qorigii la yimid guriga. Qoyskii xaas iyo carruurba waa lugu soo heentay; si loo wada arko qorigan cusub ee cajaa'ibta leh.
Reerkii wuxuu noqday mid qorigii dul taagan, mid hareer fadhiya iyo mid ku soo foorara. Isaga oo farxadda iyo rayraynta reerka la wadaaga ayuu qorigii oo la dul xoonsanyahay farafareeyey.
Kolkaas baa qorigii tacshiirad (xabbado fara badan) ka dhacday, isagiina waa ku barkaday oo si uu yeelo ama xabbadda u joojiyo ayuu garan waayey. Waxaa u muuqatay reerkii oo rasaastaasi laysay, wuxuuna si gaara u soo xusuustay gacaladiisii (xaaskii), wuxuuna ku qayliyey: Naa heblaay adaa darane carar!.
Mar haddii aanu xabbadaha joojin karin, reerkana khatartu wada haysato meeshii ugu darnayd buu xusuustay oo uu ku sasay, waana xaaskiisa oo meel weyn uga taaley.
Argagaxa iyo lexajeclada xaaskiisa ka haysey waxay hilmaansiisay carruurtiisii iyo in aan xabbad qoriga caaraddiisa ka baxday laga carari karin, waase nin jacayl qaaday iyo xaalki.
Gabagabadii sheekadaan oo la garanayo goorta, goobta iyo cidda ay ka dhacdayba waxaan u wariyey in aan ku wacyigaliyo gabdhaheena Soomaaliyeed ee Gaalo iyo inta la halmaasha u sheegeen in aan ragga soomaaliyeed dumarkooda jeclayn, una roonayn; si aan diintooda iyo dadkooda loogu dirin iyada oo looga faa'iidaysanayo caadifadooda iyo dareenkooda jilicsan.
Halkaan ka akhri qormo kale oo muujinaysa sida ragga soomaaliyeed afooyinkooda u jecelyihiin, ayna iyaga ugu mashquulsanyihiin:
https://www.facebook.com/alwaqaar/posts/510328415689034
https://www.facebook.com/alwaqaar/posts/510328415689034
Comments
Post a Comment