Abshir Bacadle iyo Maxamed
Tahaliil labo nin oo agtayda qiime weyn ka leh ayay ahaayeen, Ilaahayna
waxaan uga baryayaa inuu agtiisa ku darajeeyo.
Waxaan rajo weyn ka qabey inaan rag ay labadoodu ka mid yihiin isu kaashano walaalaynta bulshada soomaaliyeed iyo salgoynta cuqdadaha iyo kala shakiga dadkeena la dhex dhigay.
Sheekh Abwaan Abshir (Alle ha u naxariistee) tii Alle ayaa u timid aniga oo ay igu weyntahay in aan isu helno waqti dheer oo aan arrintaas kaga arrinsanayno.
Waxaa samirsiin noo ah aniga iyo dadkeena oo dhan inuu noloshiisii qabtay intii ku aaddanayd waliba annaga oo aan ku caawin, kuna guubaabin. Wuxuu inoo ka tagey dhaxal suugaaneed oo kaalin weyn ka qaadanaysa walaalynta dadkeena iyo ciribtirka qabyaaladda.
Maxamed Tahaliil (Alle ha u naxariistee) wuxuu ahaa nin dhallinyaro ah oo isku darsaday diin, firfircooni, garasho iyo dadaal badan dhinacyo badan leh.
Maxamed tahaliil waxaan u sheegay in aan doonayo in aan dadkeena walaalayno oo isku kalsooni iyo isjacayl dhex dhigno, waxaana ku iri inoo soo uruuri sheeko-xariirta soomaalida ee ku saabsan qabaa'ilka: si aynu ugu adeegsano daaweynta qabyaaladda.
Isaga oo baaritaankii bilaabay ayaa balo-qabooyinkii ummaddaan loo soo diray ku dileen Ceelasha biyaha isaga oo sooman oo casar soo tukaday. Waxaad mooddaa in lugu yiri soomaali hadba meesha ay u dhimanayso ku dhufta.
Geeridoodu xawaarihii aan ku socday aad bay iiga dhintay, sannada badana waa i dib dhigtay laakiin marna barnaamijkii miskaxdayda kama bixin, haddana waxaa u istaagay rag farabadan oo xul ah oo aan rajeynayo inay dhaqso uga miradhalin doonaan ee Ilaahay asxaabta dhimatayna ha u naxariisto, inta noolna ha xafido, camalkaas weyna ha noo hirgaliyo, mid dartiis loola jeedo oo ajar laga helana ha nooga dhigo.
Abshir iyo Maxamed labaduba albaabo khayr oo badan bay ka shaqayn jireen gaar ahaan Sh. Abshir oo ahaa fure khayr laakiin waxaan hadda isugu lammaaniyey kaalintii aan ka filayey inay ka qaataan biskeynta jirrada qabyaaladda iyo walaalaynta ummadda.
Waxaan rajo weyn ka qabey inaan rag ay labadoodu ka mid yihiin isu kaashano walaalaynta bulshada soomaaliyeed iyo salgoynta cuqdadaha iyo kala shakiga dadkeena la dhex dhigay.
Sheekh Abwaan Abshir (Alle ha u naxariistee) tii Alle ayaa u timid aniga oo ay igu weyntahay in aan isu helno waqti dheer oo aan arrintaas kaga arrinsanayno.
Waxaa samirsiin noo ah aniga iyo dadkeena oo dhan inuu noloshiisii qabtay intii ku aaddanayd waliba annaga oo aan ku caawin, kuna guubaabin. Wuxuu inoo ka tagey dhaxal suugaaneed oo kaalin weyn ka qaadanaysa walaalynta dadkeena iyo ciribtirka qabyaaladda.
Maxamed Tahaliil (Alle ha u naxariistee) wuxuu ahaa nin dhallinyaro ah oo isku darsaday diin, firfircooni, garasho iyo dadaal badan dhinacyo badan leh.
Maxamed tahaliil waxaan u sheegay in aan doonayo in aan dadkeena walaalayno oo isku kalsooni iyo isjacayl dhex dhigno, waxaana ku iri inoo soo uruuri sheeko-xariirta soomaalida ee ku saabsan qabaa'ilka: si aynu ugu adeegsano daaweynta qabyaaladda.
Isaga oo baaritaankii bilaabay ayaa balo-qabooyinkii ummaddaan loo soo diray ku dileen Ceelasha biyaha isaga oo sooman oo casar soo tukaday. Waxaad mooddaa in lugu yiri soomaali hadba meesha ay u dhimanayso ku dhufta.
Geeridoodu xawaarihii aan ku socday aad bay iiga dhintay, sannada badana waa i dib dhigtay laakiin marna barnaamijkii miskaxdayda kama bixin, haddana waxaa u istaagay rag farabadan oo xul ah oo aan rajeynayo inay dhaqso uga miradhalin doonaan ee Ilaahay asxaabta dhimatayna ha u naxariisto, inta noolna ha xafido, camalkaas weyna ha noo hirgaliyo, mid dartiis loola jeedo oo ajar laga helana ha nooga dhigo.
Abshir iyo Maxamed labaduba albaabo khayr oo badan bay ka shaqayn jireen gaar ahaan Sh. Abshir oo ahaa fure khayr laakiin waxaan hadda isugu lammaaniyey kaalintii aan ka filayey inay ka qaataan biskeynta jirrada qabyaaladda iyo walaalaynta ummadda.
Comments
Post a Comment