Saaka ayaan arkay nin dhalinyaro ah oo xoog weyn oo waalan. Wuxuu ku qaylinayaa ereyo kala duwan. Mararka qaarkood wuxuu u qaylinayaa sidii haweeneeydii. Wuu ooyayaa. Wuxuu cod dumar ku leeyahay: War iga qabta, Hooyooy, Nacasyohow iga daa, ba'ayeey iwm.
Dr-ku wuxuu ii sheegay in ninkaani gabar kufsaday oo uu lix sano xirnaa, xabsigana uu ku waashay. Oohintaan iyo hadaladaan qaylada cabaadka ahna waa markuu gabadha miskiinta ah kufsanayey wixii ka maqlayey oo uu niska dhagatirayey!.
Dr-ku wuxuu yiri: dadku waxay leeyihiin miskiintii ayaa gashay oo ka dhex-hadlaysa.
Si kastaba ha ahaatee waa ciqaab Ilaahay ninkaas dunida ugu soo dadajiyey, cid kasta oo ficilkaas xun samaysana adduunka ku sugaysa, aakhirana u taal. Waxaa iyana khatartaas mid la mid ah sugaysaa nimanka gabdhaha masaakiinta ah xumaanta ku sameeya iyaga oo ku sasabanaya waan ku guursanayaa. Gabdhaha wiilasha masaakiinta ah ku qaabila hadalka iyo dharka jilicsan ama gaagaaban laftoodu shar weyn oo ciqaab badani ka dhalan karto ayay ku dhex jiraan ee dhalinyarooy ciqaabtaan oo kale ha laga digtoonaado.
Subxaanallaah waa cuquubo adag iyo calaama adduun oo cibra ugu filan ninkii ku cayaara gabar walaashiis ah, cudud ama caqli ka xadid mid uu ku xumeeyaba.
ReplyDeleteCuquubaadka dulmiga noocan ah waagii hore aad looma arki jirin haddase meel walba waxaad ka maqleysaa qof dulmiguu ka galay khalqiga Alle cuquubadiisii dunida loogu keenay, wax raja ahna aanan laga laheyn inuu dib u caafimaado.
Hadaba ku xarragooshada xumaatada xanuunkeedu ma yara, Ilaahayna waa caadil wuxuuna yiri "Kiinnii dulmi sameeya, cadaab weyn ayeynu dhadhansiineynaa".
Ilaahay baan ka magan galeynaa caradiisa iyo ciqaabkiisaba.