Alle ha u naxariistee waxaa maanta 12 duhurnimo ku geeriyooday magaalada Kampala Sheekh C/wali C/laahi Aamin (C/wali Kampala) oo ahaa Sheekhii jaaliyadda Soomaaliyeed ee dalka Uganda.
Waxaan Sheekha Ilaahay uga baryayaa inuu u dambidhaafo una naxariisto. Waxaan kale oo aan halkaan tacsi uga dirayaa dadkii uu sheekhu ka tagay: caruurtiisa, xaasaskii, eheladii, ardaydiisii, asxaabtiisii , maamulka iyo jamaacada markazka Altowxid, jaaliyadda Soomaliyeed ee Oganda iyo guud ahaan dadweynaha Soomaliyeed ee uu sheekhu ka geeriyooday gaar ahaan culumada iyo ducaadda ay muddada dheer ku wada jireen camalka dacwada.
Ilaahay waxaan dhamaantood uga baryayaa in uu siiyo sabar iyo ajar-xisaabsi. Waxaan kale oo kula dardaarmayaa xigtada Sheekha ha ahaadeen warasadiisa, ardaydiisa iyo asxaabtiisa ay isu kaashan jireen dacwada iyo khidmada jaaliyadda inay halkii ka sii wadaan, siina labanlaabaan khayrkii ay sheekha wada qaban jireen.
Ilaahay waxaan ka baryayaa inuu ka dhigo Sheekha ubadkiisa iyo ardaydiisa khara khalafin likhayri salaf.
Comments
Post a Comment