Meharad ayaa u furnayd, dadkuna lacagaha ayay u dhiiban jireen, isaguna intuu warqad ku laalaabo ayuu dusha kaga qori jirey magaca qofka iyo lacagta tiradeeda.
Wuxuu u safri jirey Cadan, meheradana dad buu uga tagi jirey. Maalinkii dambe ayaa nin lacag u dhiibtay, isaguna sidii caadada u ahayd ayuu dusha kaga qoray magaca iyo tirada lacagta.
Maalinkii dambe ayuu sidiisii Cadan u safray, meheradiina wiil yar oo uu dhalay uga tagey, nin oday ahna wuxuu ku yiri wiilka meesha la ogow.
Ka dib wiilkii waxaa u yimid ninkii odayga lacagta u dhiibtay, kolkii uu lacagtii siiyeyna wuxuu ku yiri lacagtaydu intaan way ka badnayd!. Oo soo tan tiradu kuugu qorantahay?.
Ninkii wax la sugaba waa yimid iyo sidaan ayaa dhacday. Lacagtaadu intaan bay ahayd iyo way ka badnayd. Ku dhaaro iyo hawraarsan. Dhaar beena iyo hoo!.
Ninkii isagoo xoolo booli ah iyo dhaar been ah isku wata ayuu la carraabay. Mise aqalkii gubay, ooridii ku dhimatay, isagiina il ka dhacday!.
Subaxdii waa kan isaga oo il la' oo aqal la' oo afo la' oo wax doon ah!.
Gabagabadii waxaa la yiri ninbaa nin dabada waran ka galiyey. Ka geed buu fuulay, waana ka soo dhacay, geed xaskul ah ayaana dabada ka galay. Kolkaas buu yiri: waan ogaa in Ilaahay dadka u kala aargudo lkn ma ogayn inuu dubur dubur ugu aaro!. Ninkaana xaalkiisu wuxuu leeyahay waa ogaa in Ilaahay madluumka u hiilliyo lkn hiilkaan degdega ah ma ogayn.
Comments
Post a Comment