Wuxuu goostay inuu dhoofo, dabadeedna wuxuu u tagay markab furdada taagan, wuxuuna ku yiri: waxaan doonayaa inaan dhoofo, iyaguna waxay u sheegeen in lix kun oo shilin laga doonayo. Wuxuu ku jawaabay oo haddaan lix kun haysto maanba soo dago!.
Wuxuu uga jeedaa haddaan lix kun heli karo nin hodon ah oo dibada kasoo dagay ayaanba noqon lahaaye miyaan sii dhoofi lahaa!.
Ninkan Soomaaliyeed ee reer miyiga ah wuxuu garanayey sababta loo dhoofayo inay tahay in lasoo shaqaysto, dababdeedna dib loola soo noqdo wixii aad soo shaqaysatay. Dhinac kale wuxuu garanayaa in aanay meesha ku jirin nin xoolo wanaagsan haysta inuu dhoofo ee ay tahay inuu xoolahaas dalkiisa ku maalgashado.
Waxaan kale oo ka fahmayaa haddii aad qurbaha ujeeddadaadii ka gaartid in loo baahanyahay in ummadda loo soo celiyo maalka lasoo kasbay oo ay ka faa'iidaysato ee aan lagu kobcin dhul shisheeye oo xoolahaas iyagu dantooda uga faa'iidaysta; waayo maalkaaga marka aad dalkaaga uga shaqaysataid dadkaagu waxay ka helayaan shaqo ay ku noolaadaan, dowladaaduna waxay qaadanaysaa wixii dowladdaas kale kaa qaadan lahayd.
Imminka dadka badankoodu waxay u dhoofaan dhoof uun. Waxaa ka daran kuwii dadka u ladnaa ayaaba dhoofaya ha haadeen rag iyo dumar waaweyn ama ha noqdeen ubadkii dadka ladani dhaleen oo waliba kaaga darane tahriibaya.
Dhinac kale hadday xoolo helaan dad badan meeshay tageen bay ku maalgaliyaan ee dalkooda iyo dadkooda ugama faa'iideeyaan.
Intaasba waxaa iiga xanuun badan nin guryo, gaadiid, goobo ganacsi iyo xoolo kala nooc ah haysta oo xaaji hebelow gaaray ayaa intaba xaraash ku dhufta oo gaalo ag yuurursada oo hadduu doono gaaweeto hoorsada ama dadka qaar jidka kaga haftaan ama isaga iyo qoysku kala lumaan. Taas oo ku xusuusinaysa aayaddii ahayd: "ma kii liitay baad ku badalanaysaan kii khayrka badnaa?". Ilaahow golo ceebeed hana fariisin, nicmadaada kuwa ku kufriyana ha naga dhigin .. Aamiin.
Wuxuu uga jeedaa haddaan lix kun heli karo nin hodon ah oo dibada kasoo dagay ayaanba noqon lahaaye miyaan sii dhoofi lahaa!.
Ninkan Soomaaliyeed ee reer miyiga ah wuxuu garanayey sababta loo dhoofayo inay tahay in lasoo shaqaysto, dababdeedna dib loola soo noqdo wixii aad soo shaqaysatay. Dhinac kale wuxuu garanayaa in aanay meesha ku jirin nin xoolo wanaagsan haysta inuu dhoofo ee ay tahay inuu xoolahaas dalkiisa ku maalgashado.
Waxaan kale oo ka fahmayaa haddii aad qurbaha ujeeddadaadii ka gaartid in loo baahanyahay in ummadda loo soo celiyo maalka lasoo kasbay oo ay ka faa'iidaysato ee aan lagu kobcin dhul shisheeye oo xoolahaas iyagu dantooda uga faa'iidaysta; waayo maalkaaga marka aad dalkaaga uga shaqaysataid dadkaagu waxay ka helayaan shaqo ay ku noolaadaan, dowladaaduna waxay qaadanaysaa wixii dowladdaas kale kaa qaadan lahayd.
Imminka dadka badankoodu waxay u dhoofaan dhoof uun. Waxaa ka daran kuwii dadka u ladnaa ayaaba dhoofaya ha haadeen rag iyo dumar waaweyn ama ha noqdeen ubadkii dadka ladani dhaleen oo waliba kaaga darane tahriibaya.
Dhinac kale hadday xoolo helaan dad badan meeshay tageen bay ku maalgaliyaan ee dalkooda iyo dadkooda ugama faa'iideeyaan.
Intaasba waxaa iiga xanuun badan nin guryo, gaadiid, goobo ganacsi iyo xoolo kala nooc ah haysta oo xaaji hebelow gaaray ayaa intaba xaraash ku dhufta oo gaalo ag yuurursada oo hadduu doono gaaweeto hoorsada ama dadka qaar jidka kaga haftaan ama isaga iyo qoysku kala lumaan. Taas oo ku xusuusinaysa aayaddii ahayd: "ma kii liitay baad ku badalanaysaan kii khayrka badnaa?". Ilaahow golo ceebeed hana fariisin, nicmadaada kuwa ku kufriyana ha naga dhigin .. Aamiin.
Comments
Post a Comment