Dad badan baa u labista inay xuquuq maqan
ummadda u soo celiyaan am xaq la daboolay daaha ka qaadaan ama baadil la
qurxiyey marada ka feydaan. Kolka hore qasadku waa fiicnaa, rajada in wax la
qabtana ma xumayn laakiin markii goobta loo daadago ayay soo shaac baxdaa nin
walba wixii uu xambaarsanaa iyo sidii uu daacada ugu ahaa, awooddiisa dhabta ah
siday ahayd, inta uu loolan adag u adkaysan karo, inta uu doonista naftiisa iyo
shaydaan hor istaagi karo.
Dadkaas intay ceebo muuqda astura islahaayeen ayaa iyaga cawradoodu bannaanka timaadaa ama ceebtay asturayeen ceebo kale kusoo kordhiyaan. Ragguna waa sii kala indha-adagyahaye qaar baa cawradooda ceeb la'aan u muujiyo ama ku dooda halka uu maanta joogaba inay tahay halkii loo socday ama waji diir ma xishoode ah ayuu usii dallacaayoo wuxuu duritaan iyo dicaayad ku furaa ahdaaftii uu awal hirgalinteeda u hawlgalay. Ninkaas wuxuu noqon karaa wadaad khayr jecel ama nin wadani ah oo loolanka siyaasada u galay inuu diinta iyo ummadda wax u qabto. Waxaa ka agdhow nin tolka wax u tar u gala oo aakhirka tolka dhiiggisa ku bolotiiga!.
Gabagabadii ninka gurmadka ku yimid ee cidii ama mabda'ii uu usoo gurmaday wax u goyn waaya ama ceeb uu asturo ha joogtee tiisii dibada usoo baxdo waxaan ku oranaynaa oraah uu hoary u yiri oday soomaaliyeed oo geeliisii goor abaar ah la qaaday oo arkay raggii usoo gurmaday oo taagdari la ordi la' , mid walbana intuu marada kor u xaytay qooraha lulayo, wuxuuna yiri: "waar geelna ha noo soo dhicininee cawradiina uun naga qarsada".
Dadkaas intay ceebo muuqda astura islahaayeen ayaa iyaga cawradoodu bannaanka timaadaa ama ceebtay asturayeen ceebo kale kusoo kordhiyaan. Ragguna waa sii kala indha-adagyahaye qaar baa cawradooda ceeb la'aan u muujiyo ama ku dooda halka uu maanta joogaba inay tahay halkii loo socday ama waji diir ma xishoode ah ayuu usii dallacaayoo wuxuu duritaan iyo dicaayad ku furaa ahdaaftii uu awal hirgalinteeda u hawlgalay. Ninkaas wuxuu noqon karaa wadaad khayr jecel ama nin wadani ah oo loolanka siyaasada u galay inuu diinta iyo ummadda wax u qabto. Waxaa ka agdhow nin tolka wax u tar u gala oo aakhirka tolka dhiiggisa ku bolotiiga!.
Gabagabadii ninka gurmadka ku yimid ee cidii ama mabda'ii uu usoo gurmaday wax u goyn waaya ama ceeb uu asturo ha joogtee tiisii dibada usoo baxdo waxaan ku oranaynaa oraah uu hoary u yiri oday soomaaliyeed oo geeliisii goor abaar ah la qaaday oo arkay raggii usoo gurmaday oo taagdari la ordi la' , mid walbana intuu marada kor u xaytay qooraha lulayo, wuxuuna yiri: "waar geelna ha noo soo dhicininee cawradiina uun naga qarsada".
Axmed C/samad
alwaqaar@hotmail.com
Comments
Post a Comment